دل کا کیا ہے وہ تو چاہے گا مسلسل ملنا
Parveen Shakir (1952–1994)دل کا کیا ہے وہ تو چاہے گا مسلسل ملنا
وہ ستم گر بھی مگر سوچے کسی پل ملنا
واں نہیں وقت تو ہم بھی ہیں عدیم الفرصت
اس سے کیا ملیے جو ہر روز کہے کل ملنا
عشق کی رہ کے مسافر کا مقدر معلوم
شہر کی سوچ میں ہو اور اسے جنگل ملنا
اس کا ملنا ہے عجب طرح کا ملنا جیسے
دشت امید میں اندیشے کا بادل ملنا
دامن شب کو اگر چاک بھی کر لیں تو کہاں
نور میں ڈوبا ہوا صبح کا آنچل ملنا
dil ka kya hai wo tu chahega musalsal milna
wo sitam gar bhi magar soche kisi pal milna
wan nahin waqt to ham bhi hain adim alfursat
us se kya miliye jo har roz kahe kal milna
ishq ki rah ke musafir ka muqaddar maalum
shahr ki soch mein ho aur use jangal milna
us ka milna hai ajab tarah ka milna jaise
dasht-e-ummid mein andeshe ka badal milna
daman-e-shab ko agar chak bhi kar len to kahan
nur mein duba hua subh ka anchal milna