وہ ہم نہیں جنہیں سہنا یہ جبر آ جاتا

وہ ہم نہیں جنہیں سہنا یہ جبر آ جاتا

تری جدائی میں کس طرح صبر آ جاتا

فصیلیں توڑ نہ دیتے جو اب کے اہل قفس

تو اور طرح کا اعلان جبر آ جاتا

وہ فاصلہ تھا دعا اور مستجابی میں

کہ دھوپ مانگنے جاتے تو ابر آ جاتا

وہ مجھ کو چھوڑ کے جس آدمی کے پاس گیا

برابری کا بھی ہوتا تو صبر آ جاتا

وزیر و شاہ بھی خس خانوں سے نکل آتے

اگر گمان میں انگار قبر آ جاتا

wo ham nahin jinhen sahna ye jabr a jata

tiri judai mein kis tarah sabr a jata

fasilen tor na dete jo ab ke ahl-e-qafas

tu aur tarah ka elan jabr a jata

wo fasla tha dua aur mustajabi mein

ke dhup mangne jate to abr a jata

wo mujh ko chhor ke jis admi ke pas gaya

barabari ka bhi hota to sabr a jata

wazir-o-shah bhi khas khanon se nikal ate

agar guman mein angar qabr a jata