جستجو کھوئے ہوؤں کی عمر بھر کرتے رہے

جستجو کھوئے ہوؤں کی عمر بھر کرتے رہے

چاند کے ہم راہ ہم ہر شب سفر کرتے رہے

راستوں کا علم تھا ہم کو نہ سمتوں کی خبر

شہر نامعلوم کی چاہت مگر کرتے رہے

ہم نے خود سے بھی چھپایا اور سارے شہر کو

تیرے جانے کی خبر دیوار و در کرتے رہے

وہ نہ آئے گا ہمیں معلوم تھا اس شام بھی

انتظار اس کا مگر کچھ سوچ کر کرتے رہے

آج آیا ہے ہمیں بھی ان اڑانوں کا خیال

جن کو تیرے زعم میں بے بال و پر کرتے رہے

justuju khoe huon ki umr bhar karte rahe

chand ke ham rah ham har shab safar karte rahe

raston ka ilm tha ham ko na samton ki khabar

shahr namaalum ki chahat magar karte rahe

ham ne khud se bhi chhupaya aur sare shahr ko

tere jane ki khabar diwar-o-dar karte rahe

wo na aega hamen maalum tha us sham bhi

intizar us ka magar kuchh soch kar karte rahe

aj aya hai hamen bhi in uranon ka khayal

jin ko tere zaam mein be bal-o-par karte rahe