ہم نے آنکھ سے دیکھا کتنے سورج نکلے ڈوب گئے

ہم نے آنکھ سے دیکھا کتنے سورج نکلے ڈوب گئے

لیکن تاروں سے پوچھو کب نکلے چمکے ڈوب گئے

دو سائے پہلے آکاش تلے ساحل پر بیٹھے تھے

لہروں نے لپٹانا چاہا اور بے چارے ڈوب گئے

پیڑوں پر جو نام لکھے تھے وہ تو اب بھی باقی ہیں

لیکن جتنے بھی تالاب میں پتھر پھینکے ڈوب گئے

اونچے گھر آکاش چھپا کر اپنے آپ پہ نازاں ہیں

چاروں اور کھلے آکاش کے سورج پیچھے ڈوب گئے

اب تو ہمیں اک شعر کا ہونا بھی نا ممکن لگتا ہے

اب تو دن کی نیلی جھیل میں رات کے تارے ڈوب گئے

ham ne ankh se dekha kitne suraj nikle dub gae

lekin taron se puchho kab nikle chamke dub gae

do sae pahle akash tale sahil par baithe the

lahron ne laptana chaha aur be chare dub gae

peron par jo nam likhe the wo to ab bhi baqi hain

lekin jitne bhi talab mein patthar phenke dub gae

unche ghar akash chhupa kar apne ap pe nazan hain

charon aur khule akash ke suraj pichhe dub gae

ab to hamen ik sher ka hona bhi na mumkin lagta hai

ab to din ki nili jhil mein rat ke tare dub gae