اپنی تنہائی مرے نام پہ آباد کرے

اپنی تنہائی مرے نام پہ آباد کرے

کون ہوگا جو مجھے اس کی طرح یاد کرے

دل عجب شہر کہ جس پر بھی کھلا در اس کا

وہ مسافر اسے ہر سمت سے برباد کرے

اپنے قاتل کی ذہانت سے پریشان ہوں میں

روز اک موت نئے طرز کی ایجاد کرے

اتنا حیراں ہو مری بے طلبی کے آگے

وا قفس میں کوئی در خود مرا صیاد کرے

سلب بینائی کے احکام ملے ہیں جو کبھی

روشنی چھونے کی خواہش کوئی شب زاد کرے

سوچ رکھنا بھی جرائم میں ہے شامل اب تو

وہی معصوم ہے ہر بات پہ جو صاد کرے

جب لہو بول پڑے اس کے گواہوں کے خلاف

قاضئ شہر کچھ اس باب میں ارشاد کرے

اس کی مٹھی میں بہت روز رہا میرا وجود

میرے ساحر سے کہو اب مجھے آزاد کرے

apni tanhai mire nam pe abad kare

kaun hoga jo mujhe us ki tarah yad kare

dil ajab shahr ke jis par bhi khula dar us ka

wo musafir use har samt se barbad kare

apne qatil ki zihanat se pareshan hun main

roz ik maut nae tarz ki ijad kare

itna hairan ho miri be talbi ke age

wa qafas mein koi dar khud mira sayyad kare

salb binai ke ahkam mile hain jo kabhi

raushni chhune ki khwahish koi shab zad kare

soch rakhna bhi jaraim mein hai shamil ab to

wahi maasum hai har bat pe jo sad kare

jab lahu bol pare us ke gawahon ke khilaf

qazi-e-shahr kuchh is bab mein irshad kare

us ki mutthi mein bahut roz raha mera wajud

mere sahir se kaho ab mujhe azad kare