وہ مرا موجوں سے لڑ لڑ کر ابھر کر دیکھنا

وہ مرا موجوں سے لڑ لڑ کر ابھر کر دیکھنا

دوستوں کا دور ساحل سے سمندر دیکھنا

ہم کئی صدیاں تمہارے نام پر لکھ جائیں گے

تم بھی اک لمحہ ہمارے نام لکھ کر دیکھنا

ہو صدف کی چاہ تو تہہ میں اترنا شرط ہے

کیا کناروں پر کھڑے یوں ریت پتھر دیکھنا

مر مٹے ہو جس کے تم چشم و لب و رخسار پر

اس بت کافر کے باطن کا بھی منظر دیکھنا

کیسا طوفان حوادث کیا تلاطم کیا بھنور

دیکھ لو ان سب کو تم پھر میرے تیور دیکھنا

سر نگوں ساحل سے ٹکرا کر پلٹتی موج کے

ولولے چاہو تو پھر طوفاں میں رہ کر دیکھنا

گردش سیارگاں قسمت بتاتی ہے اگر

کام پھر کس کا ہے تاروں کا مقدر دیکھنا

ہے صباؔ ہر رات کی تقدیر میں نور سحر

روشنی دیکھے گا اپنا بھی مقدر دیکھنا

wo mira maujon se lar lar kar ubhar kar dekhna

doston ka daur sahil se samundar dekhna

ham kai sadiyan tumhare nam par likh jaenge

tum bhi ik lamha hamare nam likh kar dekhna

ho sadaf ki chah to tah mein utarna shart hai

kya kinaron par khare yun ret patthar dekhna

mar mite ho jis ke tum chashm-o-lab-o-rukhsar par

us but-e-kafir ke batin ka bhi manzar dekhna

kaisa tufan-e-hawadis kya talatum kya bhanwar

dekh lo un sab ko tum phir mere tewar dekhna

sar nigun sahil se takra kar palatti mauj ke

walwale chaho to phir tufan mein rah kar dekhna

gardish sayyargan qismat batati hai agar

kam phir kis ka hai taron ka muqaddar dekhna

hai saba har rat ki taqdir mein nur-e-sahar

raushni dekhega apna bhi muqaddar dekhna