غم بھی اتنا نہیں کہ تم سے کہیں

غم بھی اتنا نہیں کہ تم سے کہیں

اور چارہ نہیں کہ تم سے کہیں

آج ہم بے کراں سمندر ہیں

تم وہ دریا نہیں کہ تم سے کہیں

یوں تو مرنے سے چین ملتا ہے

یہ ارادہ نہیں کہ تم سے کہیں

نیلی آنکھوں کی چاندنی کے لیے

اب اندھیرا نہیں کہ تم سے کہیں

تم اکیلے نہیں رہے تو کیا

ہم بھی تنہا نہیں کہ تم سے کہیں

اب نہ وہ غم کہ اپنے ہاتھ عبیدؔ

شبنم آسا نہیں کہ تم سے کہیں

gham bhi itna nahin ke tum se kahin

aur chara nahin ke tum se kahin

aj ham be karan samundar hain

tum wo dariya nahin ke tum se kahin

yun to marne se chain milta hai

ye irada nahin ke tum se kahin

nili ankhon ki chandni ke liye

ab andhera nahin ke tum se kahin

tum akele nahin rahe to kiya

ham bhi tanha nahin ke tum se kahin

ab na wo gham ke apne hath ubaid

shabnam asa nahin ke tum se kahin