کوئی ہو چہرہ شناسا دکھائی دیتا ہے

کوئی ہو چہرہ شناسا دکھائی دیتا ہے

ہر اک میں ایک ہی مکھڑا دکھائی دیتا ہے

اسی شجر پہ شفق کا کرم ہے شاید آج

وہ اک شجر جو سنہرا دکھائی دیتا ہے

ادھر وہ دیکھو کہ آکاش کتنا دل کش ہے

جہاں وہ دھرتی سے ملتا دکھائی دیتا ہے

دکھائیں تم کو غروب آفتاب کا منظر

یہاں افق کا کنارہ دکھائی دیتا ہے

وہی تو ہے جو مری جستجو کی منزل ہے

کوئی بھی شخص جو مجھ سا دکھائی دیتا ہے

koi ho chehra shanasa dikhai deta hai

har ik main ek hi mukhra dikhai deta hai

isi shajar pe shafaq ka karam hai shayad aj

wo ik shajar jo sunahra dikhai deta hai

idhar wo dekho ke akash kitna dil kash hai

jahan wo dharti se milta dikhai deta hai

dikhaen tum ko ghurub-e-aftab ka manzar

yahan ufuq ka kinara dikhai deta hai

wahi to hai jo miri justuju ki manzil hai

koi bhi shakhs jo mujh sa dikhai deta hai