ہر ایک در پہ سر کو ٹپکنے کے باوجود

ہر ایک در پہ سر کو ٹپکنے کے باوجود

کعبہ پہنچ گیا ہوں بھٹکنے کے باوجود

کیا کیجیئے کہ گرد طلب کی جمی رہی

دامان دل کو روز جھٹکنے کے باوجود

شاید کھلی ہے آپ کے آنے سے چاندنی

دھندلی سی لگ رہی تھی چھٹکنے کے باوجود

کیسا ہے یہ بہار کا موسم کہ باغ میں

ہنستی نہیں ہیں کلیاں چٹکنے کے باوجود

ہم بھی کتاب زیست کو پڑھتے چلے گئے

ایک ایک حرف غم پہ اٹکنے کے باوجود

اب کے جنوں میں عالم شوریدگی نہ پوچھ

قائم رہا ہے سر کو پٹکنے کے باوجود

راحت گزار دی ہے بڑی شان سے حیات

آنکھوں میں زندگی کی کھٹکنے کے باوجود

har ek dar pe sar ko tapakne ke bawajud

kaaba pahunch gaya hun bhatakne ke bawajud

kya kijie ke gard talab ki jami rahi

daman-e-dil ko roz jhatakne ke bawajud

shayad khuli hai ap ke ane se chandni

dhundli si lag rahi thi chhutkanne ke bawajud

kaisa hai ye bahar ka mausam ke bagh mein

hansti nahin hain kaliyan chatakne ke bawajud

ham bhi kitab-e-zist ko parhte chale gae

ek ek harf-e-gham pe atakne ke bawajud

ab ke junun mein alam-e-shoridagi na puchh

qaim raha hai sar ko patakne ke bawajud

rahat guzar di hai bari shan se hayat

ankhon mein zindagi ki khatakne ke bawajud