Arooz is now on the App Store, for iPhone and iPad. Download →

All poetry

معانی لفظوں کے پیری میں کچھ شباب میں کچھ

Om Krishn Rahat (b. 1925)

معانی لفظوں کے پیری میں کچھ شباب میں کچھ

اور اس کے بارے میں لکھا نہیں کتاب میں کچھ

پہنچ کے دیکھا تو مانگے کی روشنی کے سوا

فلک کے تاروں میں کچھ ہے نہ ماہتاب میں کچھ

ہر ایک گھونٹ میں یکساں نہیں تھی تلخیٔ مے

کہ گھول دیتے ہیں حالات بھی شراب میں کچھ

کئی گناہوں کا اندراج ہی نہیں ملتا

کسی سے بھول ہوئی ہے مرے حساب میں کچھ

ہے تیرا عکس کہ میرے غموں کا سایا ہے

نظر تو آتا ہے پیمانۂ شراب میں کچھ