سب صحیفوں کو طاق پر رکھ دو
Om Krishn Rahat (b. 1925)سب صحیفوں کو طاق پر رکھ دو
جی نہیں مانتا مگر رکھ دو
اشک جی کھول کر بہا لوں میں
ہاتھ آنکھوں پہ تم اگر رکھ دو
جس میں ماحول ہی نہ ہو گھر کا
ایک کونے میں ایسا گھر رکھ دو
تم کو رونے کی جب جگہ نہ ملے
میرے شانے پہ اپنا سر رکھ دو
سوچ اک بوجھ ہے مرے دل پر
اس کو لے کر ادھر ادھر رکھ دو
حال ہی آ کے پوچھ لو میرا
ایک مرہم سا گھاؤ پر رکھ دو
کشتیاں آئیں گی ادھر کچھ اور
میری ناؤ میں سب بھنور رکھ دو
تجربے اپنی زیست کے راحتؔ
ایک گٹھری میں باندھ کر رکھ دو
sab sahifon ko taq par rakh do
ji nahin manta magar rakh do
ashk ji khol kar baha lun main
hath ankhon pe tum agar rakh do
jis mein mahaul hi na ho ghar ka
ek kone mein aisa ghar rakh do
tum ko rone ki jab jagah na mile
mere shane pe apna sar rakh do
soch ik bojh hai mire dil par
us ko le kar idhar idhar rakh do
hal hi a ke puchh lo mera
ek marham sa ghao par rakh do
kashtiyan aengi idhar kuchh aur
meri nao mein sab bhanwar rakh do
tajribe apni zist ke rahat
ek gathri mein bandh kar rakh do