گھٹ کے رہ جاتی ہیں سینے میں صدائیں کتنی

گھٹ کے رہ جاتی ہیں سینے میں صدائیں کتنی

جم گئی ہیں میرے ہونٹوں پہ دعائیں کتنی

پوچھنا چاہئے آدم کو خدا سے اپنے

ایک ہی جرم کی ہوتی ہیں سزائیں کتنی

زہر آلود ہنسی گالیاں آنسو اشعار

میرے جذبات نے اوڑھی ہیں ردائیں کتنی

حق کی آواز کو پہچان سکوں گا کیسے

گونجتی ہیں میرے کانوں میں صدائیں کتنی

میرے خالق مجھے اتنی تو خبر دی جائے

مجھ سے سرزد ابھی ہونا ہیں خطائیں کتنی

کچھ حساب اس کا فرشتوں نے بھی رکھا ہوگا

مسترد کر دی گئیں میری دعائیں کتنی

راس آنے کی طرح راس نہیں آتی ہیں

کج ہیں دوشیزۂ ہستی کی ادائیں کتنی

ghut ke rah jati hain sine mein sadaen kitni

jam gai hain mere honton pe duaen kitni

puchhna chahiye adam ko khuda se apne

ek hi jurm ki hoti hain sazaen kitni

zahr alud hansi galiyan ansu ashar

mere jazbat ne orhi hain ridaen kitni

haq ki awaz ko pahchan sakunga kaise

gunjti hain mere kanon mein sadaen kitni

mere khaliq mujhe itni to khabar di jae

mujh se sarzad abhi hona hain khataen kitni

kuchh hisab us ka farishton ne bhi rakha hoga

mustarad kar di gain meri duaen kitni

ras ane ki tarah ras nahin ati hain

kaj hain doshiza-e-hasti ki adaen kitni