لوگ سمجھے تھے چھپا رکھا ہے دھن گٹھری میں

لوگ سمجھے تھے چھپا رکھا ہے دھن گٹھری میں

ہم نے تو رکھی تھی ماتھے کی شکن گٹھری میں

آ گیا تھا ہمیں کچھ چاند ستاروں پہ ترس

ہم نے تو باندھ ہی لینا تھا گگن گٹھری میں

یہ ہنر سیکھ لیں یہ آپ کے کام آئے گا

عیب ہاتھوں پہ رکھا کرتے ہیں فن گٹھری میں

دام اتنے کہ کسی چیز کو چھونا تھا محال

باندھ کے لایا ہوں میلے سے تھکن گٹھری میں

سوچ پہ پہرا بٹھایا ہے کسی نے اب تک

کیا کوئی باندھ کے رکھ سکتا ہے من گٹھری میں

وہی اوڑھا دیا میت پہ مری اپنوں نے

میں نے جو رکھا تھا یادوں کا کفن گٹھری میں

ہم سے سچ مچ ہی بڑی بھول ہوئی تھی راحتؔ

ہم کو رکھ لینا تھی سینے کی چبھن گٹھری میں

log samjhe the chhupa rakha hai dhun gathri mein

ham ne to rakhi thi mathe ki shikan gathri mein

a gaya tha hamen kuchh chand sitaron pe taras

ham ne to bandh hi lena tha gagan gathri mein

ye hunar sikh len ye ap ke kam aega

aib hathon pe rakha karte hain fan gathri mein

dam itne ke kisi chiz ko chhuna tha muhal

bandh ke laya hun mele se thakan gathri mein

soch pe pahra bithaya hai kisi ne ab tak

kya koi bandh ke rakh sakta hai man gathri mein

wahi orha diya mayyat pe miri apnon ne

main ne jo rakha tha yadon ka kafan gathri mein

ham se sach much hi bari bhul hui thi rahat

ham ko rakh lena thi sine ki chubhan gathri mein