تھیں اک سکوت سے ظاہر محبتیں اپنی

تھیں اک سکوت سے ظاہر محبتیں اپنی

اب آنسوؤں نے بھی بخشیں عنایتیں اپنی

کہ برگ ہائے خزاں دیدہ جوں اڑائے ہوئے

کشاں کشاں لیے پھرتی ہیں وحشتیں اپنی

سبھی کو شک ہے کہ خود ہم میں بے وفائی ہے

کہاں کہاں نہ ہوئی ہیں شکایتیں اپنی

چلے جہاں سے تھے اب آؤ لوٹ جائیں وہیں

نکالیں راہوں نے ہم سے عداوتیں اپنی

کچھ اور کر دے گی بوجھل فضا کو خاموشی

چلو کہ شور مچائیں شرارتیں اپنی

ہمارا جو بھی تعلق تھا اس کے دم سے تھا

لو آج ختم ہوئیں سب رقابتیں اپنی

thin ik sukut se zahir mohabbaten apni

ab ansuon ne bhi bakhshen inayaten apni

ke barg ha-e-khizan dida jun urae hue

kashan kashan liye phirti hain wahshaten apni

sabhi ko shak hai ke khud ham mein be wafai hai

kahan kahan na hui hain shikayaten apni

chale jahan se the ab ao laut jaen wahin

nikalen rahon ne ham se adawaten apni

kuchh aur kar degi bojhal faza ko khamoshi

chalo ke shor machaen shararaten apni

hamara jo bhi taalluq tha us ke dam se tha

lo aj khatm huin sab raqabaten apni