کوئی تو اس کا اہل ہو یہ جام کس کو دیں

کوئی تو اس کا اہل ہو یہ جام کس کو دیں

دو گھونٹ بچ گئی تھی جو کل شام کس کو دیں

اس اپنی دوڑ دھوپ کا الزام کس کو دیں

تجھ کو نہ دیں تو گردش ایام کس کو دیں

ہموار راہ زیست کو کرنا تو ہے ضرور

ہم سے نپٹ نہ پائے تو یہ کام کس کو دیں

سب نے گھر اپنے مال غنیمت سے بھر لیے

سب مستحق ہیں اس کے تو انعام کس کو دیں

بربادیٔ چمن میں ہمارا بھی ہاتھ ہے

مشکل یہ آ پڑی ہے کہ الزام کس کو دیں

تجھ کو خدا سمجھ کے کہا تھا خدا مگر

اب ہے بھلا سا یہ جو ترا نام کس کو دیں

سب ہی ہمارے یار ہیں بھائی ہیں یا عزیز

آرام کس کا چھین لیں آرام کس کو دیں

راحتؔ تمام لوگ بھلے ہو گئے ادھر

لب پہ جو آ چکی ہے وہ دشنام کس کو دیں

koi to us ka ahl ho ye jam kis ko den

do ghunt bach gai thi jo kal sham kis ko den

is apni daur dhup ka ilzam kis ko den

tujh ko na den to gardish-e-ayyam kis ko den

hamwar rah-e-zist ko karna to hai zarur

ham se nipat na pae to ye kam kis ko den

sab ne ghar apne mal-e-ghanimat se bhar liye

sab mustahiq hain us ke to inam kis ko den

barbadi-e-chaman mein hamara bhi hath hai

mushkil ye a pari hai ke ilzam kis ko den

tujh ko khuda samajh ke kaha tha khuda magar

ab hai bhala sa ye jo tira nam kis ko den

sab hi hamare yar hain bhai hain ya aziz

aram kis ka chhin len aram kis ko den

rahat tamam log bhale ho gae idhar

lab pe jo a chuki hai wo dushnam kis ko den