دکھ بھی سہے الم بھی سہے رنج بھی سہے

دکھ بھی سہے الم بھی سہے رنج بھی سہے

پھر بھی بشر خدا کو خدا مانتا رہے

سب منحصر بشر پہ ہے وہ کس طرح رہے

دکھ زندگی کے ہم نے تو ہنس کھیل کر سہے

در آ گئی ہے ذہن بشر میں یہ سوچ کیا

دریا سکھوں کا اس کے ہی گھر کی طرف بہے

آنگن کا اس کے پیڑ پھلوں سے لدا بھی ہو

سایہ بھی اس کا گھر ہی کی دیوار تک رہے

جھیلی ہو جس نے زندگی لے لے کے تیرا نام

تجھ کو اگر خدا نہ کہے وہ تو کیا کہے

راحتؔ ملیں گے اور بھی کچھ قدردان زیست

دیکھا تو کیجے خود سے بھی ہٹ کر گہے گہے

dukh bhi sahe alam bhi sahe ranj bhi sahe

phir bhi bashar khuda ko khuda manta rahe

sab munhasir bashar pe hai wo kis tarah rahe

dukh zindagi ke ham ne to hans khel kar sahe

dar a gai hai zehn bashar mein ye soch kya

dariya sukhon ka us ke hi ghar ki taraf bahe

angan ka us ke per phalon se lada bhi ho

saya bhi us ka ghar hi ki diwar tak rahe

jheli ho jis ne zindagi le le ke tera nam

tujh ko agar khuda na kahe wo to kya kahe

rahat milenge aur bhi kuchh qadardan zist

dekha to kije khud se bhi hat kar gahe gahe