خط ان کو بھیجا ہے دل کے سجھاو پر ہم نے

خط ان کو بھیجا ہے دل کے سجھاو پر ہم نے

بھروسہ کر لیا کاغذ کی ناؤ پر ہم نے

یہ دل کا زخم تو بھرنے میں ہی نہیں آتا

رکھا ہے پیار کا مرہم بھی گھاؤ پر ہم نے

یہ ایک سچ ہے کہ تم کو بھلا نہیں پائے

عمل کیا تھا تمہارے سجھاو پر ہم نے

سفینہ ڈوبنا لازم تھا اپنی ہستی کا

کہ خواہشوں کو بھی لادا تھا ناؤ پر ہم نے

فقط حیات کی تلخی نہیں ہے شعروں میں

لکھا ہے اپنے بھی ذہنی تناؤ پر ہم نے

قمار خانۂ عالم سے تجربہ جو ملا

لگا دیا ہے وہ حاصل بھی داؤ پر ہم نے

حیات دب گئی آرائشوں کے ملبے میں

گنوا دی عمر اسی رکھ رکھاؤ پر ہم نے

khat un ko bheja hai dil ke sajhao par ham ne

bharosa kar liya kaghaz ki nao par ham ne

ye dil ka zakhm to bharne mein hi nahin ata

rakha hai pyar ka marham bhi ghao par ham ne

ye ek sach hai ke tum ko bhala nahin pae

amal kya tha tumhare sajhao par ham ne

safina dubna lazim tha apni hasti ka

ke khwahishon ko bhi lada tha nao par ham ne

faqat hayat ki talkhi nahin hai sheron mein

likha hai apne bhi zehni tanao par ham ne

qimar khana-e-alam se tajriba jo mila

laga diya hai wo hasil bhi dao par ham ne

hayat dab gai araishon ke malbe mein

ganwa di umr isi rakh rakhao par ham ne