میری سانسوں سے یوں آئے بھینی بھینی آگ کی خوشبو

میری سانسوں سے یوں آئے بھینی بھینی آگ کی خوشبو

جوگی کی دھونی سے جیسے اڑتی ہے بیراگ کی خوشبو

ماں کا ہاتھ پکڑ کر جس سے ہو کر میلے جاتے تھے

مہوا کے اس باغ سے آئے ماں کے سریلے راگ کی خوشبو

ماں کی گجھیا میٹھے پارلے پوری اور کچوڑی سوندھی

پھیکی ہولی یاد دلائے ٹیسو والے پھاگ کی خوشبو

جس میں تو نے ہاتھ تھے دھوئے کچے دودھ سا مہکے ہے

تیری خوشبو سے ملتی ہے جھرنے کے اس جھاگ کی خوشبو

سب کے چولھے الگ الگ ہیں جب سے اماں گزری ہیں

اجڑے چوکے سے آتی ہے اماں والے ساگ کی خوشبو

meri sanson se yun ae bhini bhini ag ki khushbu

jogi ki dhoni se jaise urti hai bairag ki khushbu

man ka hath pakar kar jis se ho kar mele jate the

mehwa ke is bagh se ae man ke surile rag ki khushbu

man ki gajhiya mithe parle puri aur kachori sondhi

phiki holi yad dilae tesu wale phag ki khushbu

jis mein tu ne hath the dhoe kachche dudh sa mahke hai

teri khushbu se milti hai jharne ke is jhag ki khushbu

sab ke chulhe alag alag hain jab se aman guzri hain

ujre chuke se ati hai aman wale sag ki khushbu