پھر یادوں کا موسم آیا کئی برس کے بعد

پھر یادوں کا موسم آیا کئی برس کے بعد

جانے کیوں درپن شرمایا کئی برس کے بعد

دل سے کتنا دور رہا تھا سکھ سپنوں کا گاؤں

آنکھوں میں سپنا انکرایا کئی برس کے بعد

میٹھی میٹھی خوشبو والی سانسیں آتی ہیں

بگیا نے مہوا ٹپکایا کئی برس کے بعد

تیز دھوپ میں تپتی راہیں پیاس تھی ننگے پاؤں

نینوں نے امرت برسایا کئی برس کے بعد

سانسوں میں بیلا مہکا اور بالوں میں جوہی

جیسے کوئی پاہن آیا کئی برس کے بعد

آم کی چٹنی دھلی دال اور روٹی گرم گرم

اماں نے چولہا سلگایا کئی برس کے بعد

phir yadon ka mausam aya kai baras ke baad

jane kyun darpan sharmaya kai baras ke baad

dil se kitna dur raha tha sukh sapnon ka gaon

ankhon mein sapna ankaraya kai baras ke baad

mithi mithi khushbu wali sansen ati hain

bugya ne mehwa tapkaya kai baras ke baad

tez dhup mein tapti rahen pyas thi nange paon

nainon ne amrit barsaya kai baras ke baad

sanson mein bela mahka aur balon mein johi

jaise koi pahan aya kai baras ke baad

am ki chatni dhuli dal aur roti garm garm

aman ne chulha silgaya kai baras ke baad