کچھ سفر کا غبار جیسا تھا

کچھ سفر کا غبار جیسا تھا

سانسوں پر اک ادھار جیسا تھا

یک بیک اس کا ایسے چپ ہونا

چیخ تھی یا پکار جیسا تھا

جو کہا تم نے اور سنا میں نے

عمر بھر اک خمار جیسا تھا

نام جو ہونٹ پر نہیں آیا

دھڑکنوں میں شمار جیسا تھا

نام تیرا لکھا تھا انگلی سے

پر شلا پر ابھار جیسا تھا

نیم سے چاند چھن کے بکھرا تھا

چاندنی کو بخار جیسا تھا

چوٹ کھا کے بھی گنگناتا رہا

میرا دل بھی ستار جیسا تھا

تیری چاہت کا جب بھرم ٹوٹا

کچھ نشے کے اتار جیسا تھا

یادوں کے سب کگار ڈھہتے گئے

وقت بھی تیز دھار جیسا تھا

دل پہ اک بوجھ لے کے جیتی رہی

جو گناہوں کے بھار جیسا تھا

kuchh safar ka ghubar jaisa tha

sanson par ik udhar jaisa tha

yak bayak us ka aise chup hona

chikh thi ya pukar jaisa tha

jo kaha tum ne aur suna main ne

umr bhar ik khumar jaisa tha

nam jo hont par nahin aya

dharkanon mein shumar jaisa tha

nam tera likha tha ungli se

par shala par ubhar jaisa tha

nim se chand chhin ke bikhra tha

chandni ko bukhar jaisa tha

chot kha ke bhi gungunata raha

mera dil bhi sitar jaisa tha

teri chahat ka jab bharam tuta

kuchh nashe ke utar jaisa tha

yadon ke sab kagar dhahatte gae

waqt bhi tez dhar jaisa tha

dil pe ik bojh le ke jiti rahi

jo gunahon ke bhar jaisa tha