مری نظر کا شرر اپنا کام کرنے لگا

مری نظر کا شرر اپنا کام کرنے لگا

بجھا چراغ مرے دیکھنے سے جلنے لگا

ذرا سی روشنی اٹھی تھی میرے پہلو سے

پھر ایک سایہ مرے ساتھ ساتھ چلنے لگا

یہ جس طرح سے دکھاتا ہے خال و خد میرے

مرا وجود ترے آئنے سے ڈرنے لگا

وہی نشاں جو مجھے کھینچتا تھا اپنی طرف

میں چل پڑا تو وہ اپنی جگہ بدلنے لگا

ازل ابد کے کناروں میں کھینچا تانی ہوئی

ردائے وقت پہ جب میرا ہاتھ پڑنے لگا

عزیرؔ چھوڑ کے میری گھڑی کلائی پر

مرا یہ وقت مرے ہاتھ سے پھسلنے لگا

miri nazar ka sharar apna kam karne laga

bujha charagh mire dekhne se jalne laga

zara si raushni uthi thi mere pahlu se

phir ek saya mire sath sath chalne laga

ye jis tarah se dikhata hai khal-o-khad mere

mira wajud tire aine se darne laga

wahi nishan jo mujhe khinchta tha apni taraf

main chal para to wo apni jagah badalne laga

azal abad ke kinaron mein khincha tani hui

rida-e-waqt pe jab mera hath parne laga

azer chhor ke meri ghari kalai par

mira ye waqt mire hath se phisalne laga