نئے سفر میں جو پچھلے سفر کے ساتھی تھے

نئے سفر میں جو پچھلے سفر کے ساتھی تھے

پھر آئے یاد کہ اس رہ گزر کے ساتھی تھے

کہوں بھی کیا مجھے پل بھر میں جو بکھیر گئے

ہوا کے جھونکے مری عمر بھر کے ساتھی تھے

ستارے ٹوٹ گئے اوس بھی بکھر سی گئی

یہی تھے جو مری شام و سحر کے ساتھی تھے

شفق کے ساتھ بہت دیر تک دکھائی دیئے

وہ سارے لوگ جو بس رات بھر کے ساتھی تھے

یہ کیسی ہجر کی شب وہ بھی ساتھ چھوڑ گئے

جو چاند تارے مری چشم تر کے ساتھی تھے

nae safar mein jo pichhle safar ke sathi the

phir ae yad ke is rah guzar ke sathi the

kahun bhi kya mujhe pal bhar mein jo bikher gae

hawa ke jhonke miri umr bhar ke sathi the

sitare tut gae os bhi bikhar si gai

yahi the jo miri sham-o-sahar ke sathi the

shafaq ke sath bahut der tak dikhai diye

wo sare log jo bas rat bhar ke sathi the

ye kaisi hijr ki shab wo bhi sath chhor gae

jo chand tare miri chashm-e-tar ke sathi the