تری گلی سے گزرنے کو سر جھکائے ہوئے

تری گلی سے گزرنے کو سر جھکائے ہوئے

فقیر حجرۂ ہفت آسماں اٹھائے ہوئے

کوئی درخت سرائے کہ جس میں جا بیٹھیں

پرندے اپنی پریشانیاں بھلائے ہوئے

مرے سوال وہی ٹوٹ پھوٹ کی زد میں

جواب ان کے وہی ہیں بنے بنائے ہوئے

ہمیں جو دیکھتے تھے جن کو دیکھتے تھے ہم

وہ خواب خاک ہوئے اور وہ لوگ سائے ہوئے

شکاریوں سے مرے احتجاج میں بابرؔ

درخت آج بھی شامل تھے ہاتھ اٹھائے ہوئے

tiri gali se guzarne ko sar jhukae hue

faqir hujra-e-haft asman uthae hue

koi darakht sarae ke jis mein ja baithen

parinde apni pareshaniyan bhulae hue

mire sawal wahi tut phut ki zad mein

jawab un ke wahi hain bane banae hue

hamen jo dekhte the jin ko dekhte the ham

wo khwab khak hue aur wo log sae hue

shikariyon se mire ehtijaj mein babar

darakht aj bhi shamil the hath uthae hue