ہمیں نفرت ہے ایسی زندگی سے

ہمیں نفرت ہے ایسی زندگی سے

تعلق ہی نہ ہو جس کو خوشی سے

الٰہی کیا زمانہ آ گیا ہے

ہے نفرت آدمی کو آدمی سے

بڑھی ہے اور دل کی بے قراری

کہا ہے حال دل جب بھی کسی سے

ہماری سادگی پر غور کیجئے

شکایت آپ کی اور آپ ہی سے

انہیں شکوہ ہے عاصیؔ زندگی کا

نہیں ہے جن کو الفت زندگی سے

hamen nafrat hai aisi zindagi se

taalluq hi na ho jis ko khushi se

ilahi kya zamana a gaya hai

hai nafrat admi ko admi se

barhi hai aur dil ki be qarari

kaha hai hal-e-dil jab bhi kisi se

hamari sadgi par ghaur kijiye

shikayat ap ki aur ap hi se

unhen shikwa hai asi zindagi ka

nahin hai jin ko ulfat zindagi se