دل لگا بیٹھا ہوں اس عیار سے

دل لگا بیٹھا ہوں اس عیار سے

جس کو نفرت ہے وفا سے پیار سے

دیکھیے ہم کس قدر ہیں بے نیاز

کچھ نہ مانگا حسن کی سرکار سے

اے نگاہ ناز تیرا شکریہ

مطمئن ہے دل تری گفتار سے

کس لئے ہوں زندگی سے بد گماں

کاش وہ پوچھے کسی دن پیار سے

زندگی بھی ہم سے ہے بیزار سی

زندگی سے ہم بھی ہیں بیزار سے

ہر بشر کے واسطے ہے لازمی

کام لے شیرینئ گفتار سے

آپ کی خاطر ہوئے برباد ہم

آپ بھی ہیں ہم سے کچھ بیزار سے

دوستی ان سے نبھے گی کس طرح

میں ہوں دیوانہ تو وہ ہوشیار سے

غیر تو پھر غیر ہیں عاصیؔ مگر

آپ بھی کچھ کم نہیں اغیار سے

dil laga baitha hun is ayyar se

jis ko nafrat hai wafa se pyar se

dekhiye ham kis qadar hain be niyaz

kuchh na manga husn ki sarkar se

ai nigah-e-naz tera shukriya

mutmain hai dil tiri guftar se

kis liye hun zindagi se bad guman

kash wo puchhe kisi din pyar se

zindagi bhi ham se hai bezar si

zindagi se ham bhi hain bezar se

har bashar ke waste hai lazmi

kam le shirini-e-guftar se

ap ki khatir hue barbad ham

ap bhi hain ham se kuchh bezar se

dosti un se nibhegi kis tarah

main hun diwana to wo hoshyar se

ghair to phir ghair hain asi magar

ap bhi kuchh kam nahin aghyar se