ناسازیٔ حالات نے دل توڑ دیا ہے

ناسازیٔ حالات نے دل توڑ دیا ہے

دنیا کی ہر اک بات نے دل توڑ دیا ہے

کچھ ساقئ محفل بھی رہا رندوں سے برہم

کچھ شدت آفات نے دل توڑ دیا ہے

آغاز ملاقات میں کیا جوش تھا دل میں

انجام ملاقات نے دل توڑ دیا ہے

بے حال و پریشاں ہے بشر روز ازل سے

فرسودہ روایات نے دل توڑ دیا ہے

اپنوں کی عنایات کا ہم ذکر کریں کیا

اپنوں کی عنایات نے دل توڑ دیا ہے

کل آپ کی ہر بات سے تسکین ملی تھی

آج آپ کی ہر بات نے دل توڑ دیا ہے

ہم تشنہ دہن بیٹھے ہیں میخانے میں عاصیؔ

امڑی ہوئی برسات نے دل توڑ دیا ہے

nasazi-e-halat ne dil tor diya hai

duniya ki har ik bat ne dil tor diya hai

kuchh saqi-e-mahfil bhi raha rindon se barham

kuchh shiddat-e-afat ne dil tor diya hai

aghaz-e-mulaqat mein kya josh tha dil mein

anjam mulaqat ne dil tor diya hai

be hal-o-pareshan hai bashar roz-e-azal se

farsuda riwayat ne dil tor diya hai

apnon ki inayat ka ham zikr karen kya

apnon ki inayat ne dil tor diya hai

kal ap ki har bat se taskin mili thi

aj ap ki har bat ne dil tor diya hai

ham tishna dahan baithe hain maikhane mein asi

amri hui barsat ne dil tor diya hai