ہتھیلیوں میں لکیروں کا جال تھا کتنا

ہتھیلیوں میں لکیروں کا جال تھا کتنا

مرے نصیب میں میرا زوال تھا کتنا

تو جنگلوں کی طرح آگ مجھ میں پھیل گئی

رگوں میں بہتا ہوا اشتعال تھا کتنا

تبھی تو جلتی چٹانوں پہ لا کے پھینک دیا

مرا وجود ہوا پر وبال تھا کتنا

سبھی پرندے مرے پاس آتے ڈرتے تھے

میں خشک پیڑ سہی بے مثال تھا کتنا

مگر ملا نہ کہیں ساتواں جواب اب تک

مجھے ستاتا ہوا اک سوال تھا کتنا

hatheliyon mein lakiron ka jal tha kitna

mire nasib mein mera zawal tha kitna

tu jangalon ki tarah ag mujh mein phail gai

ragon mein bahta hua ishtial tha kitna

tabhi to jalti chatanon pe la ke phenk diya

mira wajud hawa par wabal tha kitna

sabhi parinde mire pas ate darte the

main khushk per sahi be misal tha kitna

magar mila na kahin satwan jawab ab tak

mujhe satata hua ik sawal tha kitna