Arooz is now on the App Store, for iPhone and iPad. Download →

All poetry

امتیاز بیش و کم سے دور ہے

Pandit Vidya Rattan Asi (1938–2019)

امتیاز بیش و کم سے دور ہے

دل محبت کے نشے میں چور ہے

غم اٹھا کر بھی بڑا مسرور ہے

کس قدر سادہ دل رنجور ہے

ایک مشت خاک ہے اس کا وجود

آدمی کس بات پر مغرور ہے

اس کے آگے ایک بھی چلتی نہیں

دل کے ہاتھوں ہر کوئی مجبور ہے

حسن کو گو ناز ہے خود پر مگر

عشق بھی اپنی جگہ مغرور ہے

حضرت عاصیؔ کی بابت کیا کہیں

شاعر اچھا ہے مگر مغرور ہے