زمانے بھر میں بہت معتبر اجالا ہے

زمانے بھر میں بہت معتبر اجالا ہے

یہ دیکھنا ہے مگر کس کے گھر اجالا ہے

ہوا نہ سامنا دونوں کا اتفاقاً بھی

اندھیرا ہے بھی کہیں بے خبر اجالا ہے

مری اس ادنیٰ سی جرأت کی کوئی داد تو دے

گو پھونک کر ہی سہی گھر مگر اجالا ہے

سراغ منزل ہستی ملے ملے نہ ملے

یہی بہت ہے مرا راہبر اجالا ہے

یہ کیا مقام ہے عاصیؔ جہاں ہوں صدیوں سے

ادھر اندھیرا ہے میرے ادھر اجالا ہے

zamane bhar mein bahut motabar ujala hai

ye dekhna hai magar kis ke ghar ujala hai

hawa na samna donon ka ittifaqan bhi

andhera hai bhi kahin be khabar ujala hai

miri is adna si jurat ki koi dad to de

go phunk kar hi sahi ghar magar ujala hai

suragh-e-manzil-e-hasti mile mile na mile

yahi bahut hai mira rahbar ujala hai

ye kya maqam hai asi jahan hun sadiyon se

idhar andhera hai mere idhar ujala hai