اس طرح دل کو بے آسرا چھوڑ کر

اس طرح دل کو بے آسرا چھوڑ کر

ہم کہاں جائیں در آپ کا چھوڑ کر

کیا بھروسہ مریض غم عشق کا

کچھ دعا کیجئے اب دوا چھوڑ کر

یوں بھی ہوتا ہے اپنوں سے بد ظن کوئی

یوں بھی جاتا ہے کوئی بھلا چھوڑ کر

موج طوفاں نے بڑھ کر سہارا دیا

چل دیا جب مجھے ناخدا چھوڑ کر

بادہ خانے میں رسوائیاں ہی سہی

کون جائے یہ رنگیں فضا چھوڑ کر

مدتوں یاد کرتا رہے گا جہاں

مٹ چلے ہم تو نقشۂ وفا چھوڑ کر

اہل دنیا نے عاصیؔ بہت کچھ دیا

ایک جنس خلوص و وفا چھوڑ کر

is tarah dil ko be asra chhor kar

ham kahan jaen dar ap ka chhor kar

kya bharosa mariz-e-gham-e-ishq ka

kuchh dua kijiye ab dawa chhor kar

yun bhi hota hai apnon se bad zan koi

yun bhi jata hai koi bhala chhor kar

mauj-e-tufan ne barh kar sahara diya

chal diya jab mujhe nakhuda chhor kar

bada khane mein ruswaiyan hi sahi

kaun jae ye rangin faza chhor kar

muddaton yad karta rahega jahan

mit chale ham to naqsha-e-wafa chhor kar

ahl-e-duniya ne asi bahut kuchh diya

ek jins-e-khulus-o-wafa chhor kar