نالۂ دل رائیگاں دیکھیے کب تک رہے

نالۂ دل رائیگاں دیکھیے کب تک رہے

نا مرادی کامراں دیکھیے کب تک رہے

میری الفت کا یقیں دیکھیے کب ہو انہیں

یہ حقیقت داستاں دیکھیے کب تک رہے

دیکھیے کب تک رہیں زندگی پر ہم گراں

زندگی ہم پر گراں دیکھیے کب تک رہے

دیکھیے کب تک رہیں در بدر کی ٹھوکریں

گردش ہفت آسماں دیکھیے کب تک رہے

دیکھیے کب نہ ہوں کامراں اے دوست ہم

بخت ہم سے سرگراں دیکھیے کب تک رہے

دیکھیے عاصیؔ پہ ہو کب عنایت آپ کی

نا مکمل داستاں دیکھیے کب تک رہے

nala-e-dil raigan dekhiye kab tak rahe

na muradi kamran dekhiye kab tak rahe

meri ulfat ka yaqin dekhiye kab ho unhen

ye haqiqat dastan dekhiye kab tak rahe

dekhiye kab tak rahen zindagi par ham giran

zindagi ham par giran dekhiye kab tak rahe

dekhiye kab tak rahen dar badar ki thokaren

gardish-e-haft asman dekhiye kab tak rahe

dekhiye kab na hun kamran ai dost ham

bakht ham se sargiran dekhiye kab tak rahe

dekhiye asi pe ho kab inayat ap ki

na mukammal dastan dekhiye kab tak rahe