نفرت کی آگ جلنے لگی تیرے شہر میں

نفرت کی آگ جلنے لگی تیرے شہر میں

یہ بات آج کھلنے لگی تیرے شہر میں

جو آشنا تھے کل مرے سب گم کہاں ہوئے

ہجرت کی چاہ پلنے لگی تیرے شہر میں

مرنے کا مارنے کا یہ کیا دور آ گیا

جینے کی آس ٹلنے لگی تیرے شہر میں

میرا یہاں سے ٹھور ٹھکانہ اجڑ گیا

آندھی عجیب چلنے لگی تیرے شہر میں

ہر دل میں کون بھرنے لگا دشمنی یہاں

شفقت بھی ہاتھ ملنے لگی تیرے شہر میں

قدرت خفا ہوئی نہ کہیں لائے زلزلہ

کروٹ زمیں بدلنے لگی تیرے شہر میں

کالی گھٹا کی قید میں وہ کب تلک رہے

اب چاندنی مچلنے لگی تیرے شہر میں

nafrat ki ag jalne lagi tere shahr mein

ye bat aj khulne lagi tere shahr mein

jo ashna the kal mire sab gum kahan hue

hijrat ki chah palne lagi tere shahr mein

marne ka marne ka ye kya dur a gaya

jine ki as talne lagi tere shahr mein

mera yahan se thaur thikana ujar gaya

andhi ajib chalne lagi tere shahr mein

har dil mein kaun bharne laga dushmani yahan

shafqat bhi hath milne lagi tere shahr mein

qudrat khafa hui na kahin lae zalzala

karwat zamin badalne lagi tere shahr mein

kali ghata ki qaid mein wo kab talak rahe

ab chandni machalne lagi tere shahr mein