میں جو مردہ ہوں جیوں گا اک روز

میں جو مردہ ہوں جیوں گا اک روز

تجھ سے میں آن ملوں گا اک روز

قید ہیں مجھ میں بہت سے طوفاں

تو ملے گا تو کھلوں گا اک روز

شور آتا ہے نہیں سنتا میں

تیری آواز سنوں گا اک روز

میں تو برسوں سے چھپا بیٹھا ہوں

تو نے ڈھونڈا تو ملوں گا اک روز

جو ہوا تھا وہ ہوا تھا کیونکر

تجھ سے میں بات کروں گا اک روز

میں ترے نقش نہیں سہہ پایا

کیا تجھے دیکھ سکوں گا اک روز

main jo murda hun jyunga ik roz

tujh se main an milunga ik roz

qaid hain mujh mein bahut se tufan

tu milega to khulunga ik roz

shor ata hai nahin sunta main

teri awaz sununga ik roz

main to barson se chhupa baitha hun

tu ne dhunda to milunga ik roz

jo hua tha wo hua tha kyunkar

tujh se main bat karunga ik roz

main tire naqsh nahin sah paya

kya tujhe dekh sakunga ik roz