کوہ خدشات سر ہوا ہی نہیں

کوہ خدشات سر ہوا ہی نہیں

پار کیا ہے میں جانتا ہی نہیں

میں رکا تھا تو وقت رک جاتا

لاکھ روکا مگر رکا ہی نہیں

کتنے ارماں سے کھٹکھٹایا تھا

ہائے افسوس در کھلا ہی نہیں

اب کوئی چوٹ لگ بھی جائے تو کیا

دل میں اب زخم کی جگہ ہی نہیں

ایک لمحہ جسے میں ہار چکا

کیسے کہہ دوں وہ میرا تھا ہی نہیں

جانے کیا کھو گیا تھا راہوں میں

آج تک جو مجھے ملا ہی نہیں

لذتیں درد میں چھپی ہیں عبیدؔ

راحتوں میں کوئی مزہ ہی نہیں

koh khadshat sar hua hi nahin

par kya hai main janta hi nahin

main ruka tha to waqt ruk jata

lakh roka magar ruka hi nahin

kitne arman se khatkhataya tha

hae afsos dar khula hi nahin

ab koi chot lag bhi jae to kya

dil mein ab zakhm ki jagah hi nahin

ek lamha jise main har chuka

kaise kah dun wo mera tha hi nahin

jane kya kho gaya tha rahon mein

aj tak jo mujhe mila hi nahin

lazzaten dard mein chhupi hain ubaid

rahaton mein koi maza hi nahin