پسند نا پسند کا کوئی بھی ضابطہ نہیں

پسند نا پسند کا کوئی بھی ضابطہ نہیں

کبھی بھلا بھی ہے برا کبھی برا برا نہیں

تو جیسے دھوپ میں چمکتا برف پوش کوہسار

میں کالی رات کا دیا تو میرے حسن سا نہیں

وہ ہنستا بستا شخص تھا دلوں پہ سب کے نقش تھا

پھر ایک دن کہیں گیا کہاں گیا پتا نہیں

یہ کیا حسین باغ ہے یہاں ہیں کتنی تتلیاں

وہ ایک کیوں نہیں یہاں نہیں یہاں مزہ نہیں

تمام رات جاگ کر کٹی ہے اس کے واسطے

مری سحر نہیں ہوئی وہ مہر تو دکھا نہیں

یہ کیا عجیب عشق ہے جو فون پر ہی ہو گیا

قرابتوں کا شوق ہی دلوں میں اب رہا نہیں

یہ بزم شب سجا رہے ہیں رنگ رنگ قمقمے

مگر یہ کیسی بزم ہے کہ اک بھی دل جلا نہیں

سنا ہے میرے بارے میں چھپی ہیں آج سرخیاں

یہ رائیگاں چھپی ہیں ان لبوں نے گر پڑھا نہیں

pasand na pasand ka koi bhi zabta nahin

kabhi bhala bhi hai bura kabhi bura bura nahin

tu jaise dhup mein chamakta barf posh kohsar

main kali rat ka diya to mere husn sa nahin

wo hansta basta shakhs tha dilon pe sab ke naqsh tha

phir ek din kahin gaya kahan gaya pata nahin

ye kya hasin bagh hai yahan hain kitni titliyan

wo ek kyun nahin yahan nahin yahan maza nahin

tamam rat jag kar kati hai us ke waste

miri sahar nahin hui wo mehr to dikha nahin

ye kya ajib ishq hai jo fon par hi ho gaya

qarabaton ka shauq hi dilon mein ab raha nahin

ye bazm-e-shab saja rahe hain rang rang qumqume

magar ye kaisi bazm hai ke ik bhi dil jala nahin

suna hai mere bare mein chhupi hain aj surkhiyan

ye raigan chhupi hain un labon ne gar parha nahin