سایہ کیے ہوئے تھا جو بادل نہیں رہا

سایہ کیے ہوئے تھا جو بادل نہیں رہا

آفات کا یہ مہر مگر ڈھل نہیں رہا

سر پر تھی اس کی چھاؤں تو موجود تھے حواس

پگلا گئے ہیں ہم کہ وہ آنچل نہیں رہا

جیون کی شاہراہ کو روشن کیے ہوئے

اک ہی تو قمقمہ تھا جو اب جل نہیں رہا

اک خوبرو پرندہ بڑی دور جا بسا

اب خواہشوں کا باغ مکمل نہیں رہا

ٹھہرے ہوئے تھے ہم تو چلے جا رہا تھا وقت

جب ساتھ چل دئے ہیں تو اب چل نہیں رہا

دیکھا تو اس طرف کوئی موجود ہی نہ تھا

جب درمیان خوف کا دلدل نہیں رہا

میرے تخیلات نے جادو سا کر دیا

وہ سامنے نہ ہو کے بھی اوجھل نہیں رہا

saya kiye hue tha jo badal nahin raha

afat ka ye mehr magar dhal nahin raha

sar par thi us ki chhaon to maujud the hawas

pigla gae hain ham ke wo anchal nahin raha

jiwan ki shahrah ko raushan kiye hue

ik hi to qumquma tha jo ab jal nahin raha

ik khubru parinda bari dur ja basa

ab khwahishon ka bagh mukammal nahin raha

thahre hue the ham to chale ja raha tha waqt

jab sath chal diye hain to ab chal nahin raha

dekha to is taraf koi maujud hi na tha

jab darmiyan khauf ka daldal nahin raha

mere takhayyulat ne jadu sa kar diya

wo samne na ho ke bhi ojhal nahin raha