Arooz is now on the App Store, for iPhone and iPad. Download →

All poetry

تیز آندھی سے خفا ہے کوئی

Obaidurrahman Niyazi (b. 1987)

تیز آندھی سے خفا ہے کوئی

ٹوٹ کر برگ گرا ہے کوئی

مجھ کو محسوس ہوا ہے اکثر

دید کے پار چھپا ہے کوئی

رات مہتاب کو دیکھا تو لگا

دور سے دیکھ رہا ہے کوئی

بجھ گیا قمقمہ جو کمرے کا

یوں لگا روٹھ گیا ہے کوئی

خشک جھونکوں کا ستم سہنے کو

پھول پت جھڑ میں کھلا ہے کوئی

رات کے بحر میں غوطہ زن ہے

نیند کو ڈھونڈ رہا ہے کوئی