دشت کے بیچ میں تالاب نظر آتے ہیں

دشت کے بیچ میں تالاب نظر آتے ہیں

ہم غریبوں کو فقط خواب نظر آتے ہیں

چاندنی کھل کے جو برسے کبھی صحراؤں میں

ریت کے ذرے بھی مہتاب نظر آتے ہیں

جھونپڑے والے تو سوتے ہی نہیں ساون میں

سوئیں تو خواب میں سیلاب نظر آتے ہیں

دل تڑپ اٹھتا ہے جب چاند ستارے مجھ کو

کالے تالاب میں غرقاب نظر آتے ہیں

چند راحت بھرے لمحات کی خواہش میں عبیدؔ

شہر والے سبھی بیتاب نظر آتے ہیں

dasht ke bich mein talab nazar ate hain

ham gharibon ko faqat khwab nazar ate hain

chandni khul ke jo barse kabhi sahraon mein

ret ke zarre bhi mahtab nazar ate hain

jhonpre wale to sote hi nahin sawan mein

soen to khwab mein sailab nazar ate hain

dil tarap uthta hai jab chand sitare mujh ko

kale talab mein gharqab nazar ate hain

chand rahat bhare lamhat ki khwahish mein ubaid

shahr wale sabhi betab nazar ate hain