کوئی یہ لاکھ کہے میرے بنانے سے ملا

کوئی یہ لاکھ کہے میرے بنانے سے ملا

ہر نیا رنگ زمانہ کو پرانے سے ملا

فکر ہر بار خموشی سے ملی ہے مجھ کو

اور زمانہ یہ مجھے شور مچانے سے ملا

اس کی تقدیر اندھیروں نے لکھی تھی شاید

وہ اجالا جو چراغوں کو بجھانے سے ملا

پوچھتے کیا ہو ملا کیسے یہ جنگل کو طلسم

چھاؤں میں دھوپ کی رنگت کو ملانے سے ملا

اور لوگوں سے ملاقات کہاں ممکن تھی

وہ تو خود سے بھی ملا ہے تو بہانے سے ملا

میری تشکیل تو کچھ اور ہوئی تھی دانشؔ

یہ نیا نقش مجھے خود کو مٹانے سے ملا

koi ye lakh kahe mere banane se mila

har naya rang-e-zamana ko purane se mila

fikr har bar khamoshi se mili hai mujh ko

aur zamana ye mujhe shor machane se mila

us ki taqdir andheron ne likhi thi shayad

wo ujala jo charaghon ko bujhane se mila

puchhte kya ho mila kaise ye jangal ko tilism

chhaon mein dhup ki rangat ko milane se mila

aur logon se mulaqat kahan mumkin thi

wo to khud se bhi mila hai to bahane se mila

meri tashkil to kuchh aur hui thi danish

ye naya naqsh mujhe khud ko mitane se mila