ہر ایک لمحہ مری آگ میں گزارے کوئی

ہر ایک لمحہ مری آگ میں گزارے کوئی

پھر اس کے بعد مجھے عشق میں اتارے کوئی

میں اپنی گونج کو محسوس کرنا چاہتا ہوں

اتر کے مجھ میں مجھے زور سے پکارے کوئی

اب آرزو ہے وہ ہر شے میں جگمگانے لگے

بس ایک چہرہ میں کب تک اسے نہارے کوئی

فلک پہ چاند ستارے ٹنگے ہیں صدیوں سے

میں چاہتا ہوں زمیں پر انہیں اتارے کوئی

ہے دکھ تو کہہ دو کسی پیڑ سے پرندے سے

اب آدمی کا بھروسہ نہیں ہے پیارے کوئی

har ek lamha miri ag mein guzare koi

phir is ke baad mujhe ishq mein utare koi

main apni gunj ko mahsus karna chahta hun

utar ke mujh mein mujhe zor se pukare koi

ab arzu hai wo har shai mein jagmagane lage

bas ek chehra mein kab tak use nihare koi

falak pe chand sitare tange hain sadiyon se

main chahta hun zamin par unhen utare koi

hai dukh to kah do kisi per se parinde se

ab admi ka bharosa nahin hai pyare koi