کچھ اس مقام سے اب دل کا کارواں گزرے

کچھ اس مقام سے اب دل کا کارواں گزرے

یقیں کی حد سے جو گزرے تو بے زباں گزرے

یہ اتفاق کہاں ہے کہ آنکھ بھر آئی

محبتوں میں کوئی کیسے بے نشاں گزرے

مجھی سے ہو کے گزرتی ہے راہ دنیا کی

سو مجھ سے ہو کے زمیں اور آسماں گزرے

تعلقات میں وہ مرحلے بھی کیسے تھے

یقین اور گماں کے جو درمیاں گزرے

طلسم رنگ میں الجھے ہوئے ہیں سب دانشؔ

جو دیکھنے ہیں وہ منظر ابھی کہاں گزرے

kuchh us maqam se ab dil ka karwan guzre

yaqin ki had se jo guzre to be zaban guzre

ye ittifaq kahan hai ke ankh bhar ai

mohabbaton mein koi kaise be nishan guzre

mujhi se ho ke guzarti hai rah duniya ki

so mujh se ho ke zamin aur asman guzre

taalluqat mein wo marhale bhi kaise the

yaqin aur guman ke jo darmiyan guzre

tilism-e-rang mein uljhe hue hain sab danish

jo dekhne hain wo manzar abhi kahan guzre