دے سکو تو زندگانی دو مجھے

دے سکو تو زندگانی دو مجھے

لفظ تو میں ہوں معانی دو مجھے

کھو نہ جائے مجھ میں اک بچہ ہے جو

یوں کرو کوئی کہانی دو مجھے

ہم زباں میرا یہاں کوئی نہیں

لاؤ اپنی بے زبانی دو مجھے

ہے ہوا درکار میری آگ کو

کب کہا اس نے کہ پانی دو مجھے

ایک منزل نے تو دانشؔ یہ کہا

راستوں کی کچھ نشانی دو مجھے

de sako to zindagani do mujhe

lafz to main hun maani do mujhe

kho na jae mujh mein ik bachcha hai jo

yun karo koi kahani do mujhe

ham zaban mera yahan koi nahin

lao apni be zabani do mujhe

hai hawa darkar meri ag ko

kab kaha us ne ke pani do mujhe

ek manzil ne to danish ye kaha

raston ki kuchh nishani do mujhe