یہ مانا اس طرف رستہ نہ جائے

یہ مانا اس طرف رستہ نہ جائے

مگر پھر بھی مجھے روکا نہ جائے

بدل سکتی ہے رخ تصویر اپنا

کچھ اتنے غور سے دیکھا نہ جائے

الجھنے کے لئے سو الجھنیں ہیں

بس اپنے آپ سے الجھا نہ جائے

ارادہ واپسی کا ہو اگر تو

بہت گہرائی میں اترا نہ جائے

ہماری ارض بس اتنی ہے دانشؔ

اداسی کا سبب پوچھا نہ جائے

ye mana is taraf rasta na jae

magar phir bhi mujhe roka na jae

badal sakti hai rukh taswir apna

kuchh itne ghaur se dekha na jae

ulajhne ke liye so uljhanen hain

bas apne ap se uljha na jae

irada wapsi ka ho agar to

bahut gahrai mein utra na jae

hamari arz bas itni hai danish

udasi ka sabab puchha na jae