تم اپنے آپ پر احسان کیوں نہیں کرتے

تم اپنے آپ پر احسان کیوں نہیں کرتے

کیا ہے عشق تو اعلان کیوں نہیں کرتے

سجائے پھرتے ہو محفل نہ جانے کس کس کی

کبھی پرندوں کو مہمان کیوں نہیں کرتے

وہ دیکھتے ہی نہیں جو ہے منظروں سے الگ

کبھی نگاہ کو حیران کیوں نہیں کرتے

پرانی سمتوں میں چلنے کی سب کو عادت ہے

نئی دشاؤں کا وہ دھیان کیوں نہیں کرتے

بس اک چراغ کے بجھنے سے بجھ گئے دانشؔ

تم آندھیوں کو پریشان کیوں نہیں کرتے

tum apne ap par ehsan kyun nahin karte

kya hai ishq to elan kyun nahin karte

sajae phirte ho mahfil na jane kis kis ki

kabhi parindon ko mehman kyun nahin karte

wo dekhte hi nahin jo hai manzaron se alag

kabhi nigah ko hairan kyun nahin karte

purani samton mein chalne ki sab ko adat hai

nai dashaon ka wo dhyan kyun nahin karte

bas ik charagh ke bujhne se bujh gae danish

tum andhiyon ko pareshan kyun nahin karte