اور کیا آخر تجھے اے زندگانی چاہیئے

اور کیا آخر تجھے اے زندگانی چاہیئے

آرزو کل آگ کی تھی آج پانی چاہیئے

یہ کہاں کی ریت ہے جاگے کوئی سوئے کوئی

رات سب کی ہے تو سب کو نیند آنی چاہیئے

اس کو ہنسنے کے لئے تو اس کو رونے کے لئے

وقت کی جھولی سے سب کو اک کہانی چاہیئے

کیوں ضروری ہے کسی کے پیچھے پیچھے ہم چلیں

جب سفر اپنا ہے تو اپنی روانی چاہیئے

کون پہچانے گا دانشؔ اب تجھے کردار سے

بے مروت وقت کو تازہ نشانی چاہیئے

aur kiya akhir tujhe ai zindagani chahiye

arzu kal ag ki thi aj pani chahiye

ye kahan ki ret hai jage koi soe koi

rat sab ki hai to sab ko nind ani chahiye

us ko hansne ke liye to us ko rone ke liye

waqt ki jholi se sab ko ik kahani chahiye

kyun zaruri hai kisi ke pichhe pichhe ham chalen

jab safar apna hai to apni rawani chahiye

kaun pahchanega danish ab tujhe kirdar se

be murawwat waqt ko taza nishani chahiye