اک ندی کی دھار کا لے کر سہارا آ گئے

اک ندی کی دھار کا لے کر سہارا آ گئے

ساری دنیا گھوم کے تجھ تک دوبارہ آ گئے

کیوں اچانک نیند ان آنکھوں سے غائب ہو گئی

آپ خوابوں میں کسے دے کر اشارہ آ گئے

دوستی میں کھیل مطلب کا نہیں کھیلا گیا

سو اسی رشتے میں ہم لے کر خسارہ آ گئے

وہ ہمارا عکس تھا ہم سے جدا ہوتا کہاں

کرکے گھر کے آئنوں سے ہم کنارا آ گئے

اس نے اک اک لفظ سے سارا بدن چھلنی کیا

سوچ کر امید کا ہے دوش سارا آ گئے

اور پھر کیا ہارنے کو عشق میں باقی رہا

خود کو جب پہلی دفعہ کر کے تمہارا آ گئے

ik nadi ki dhar ka le kar sahara a gae

sari duniya ghum ke tujh tak dobara a gae

kyun achanak nind in ankhon se ghaib ho gai

ap khwabon mein kise de kar ishara a gae

dosti mein khel matlab ka nahin khela gaya

so isi rishte mein ham le kar khasara a gae

wo hamara aks tha ham se juda hota kahan

karke ghar ke ainon se ham kinara a gae

us ne ik ik lafz se sara badan chhalni kiya

soch kar ummid ka hai dosh sara a gae

aur phir kya harne ko ishq mein baqi raha

khud ko jab pahli dafa kar ke tumhara a gae