مطلب پتا نہیں تھا بتانے چلے گئے

مطلب پتا نہیں تھا بتانے چلے گئے

ہم عشق کرکے عشق نبھانے چلے گئے

ہم نے نظر کو اپنی ٹکایا تھا چاند پر

پھر خواب لے کے چاند کو پانے چلے گئے

اس کو عجب سے حال میں دیکھا تھا ایک دن

موسم سے پھر یہ رنگ سہانے چلے گئے

اب پیڑ خود کی چھانو میں بیٹھا ہے رات دن

سب لوگ دور شہر کمانے چلے گئے

ہم جیسا کوئی عشق میں مجنوں نہیں بنے

لیلیٰ کو اس کے گھر پہ بلانے چلے گئے

ہم سے تو دشمنی بھی نہ ہو پائی ٹھیک سے

ٹھوکر لگی جو تجھ کو اٹھانے چلے گئے

مجبوریوں نے مجھ کو بدل کر کے رکھ دیا

تیور مری زباں سے پرانے چلے گئے

matlab pata nahin tha batane chale gae

ham ishq karke ishq nibhane chale gae

ham ne nazar ko apni tikaya tha chand par

phir khwab le ke chand ko pane chale gae

us ko ajab se hal mein dekha tha ek din

mausam se phir ye rang suhane chale gae

ab per khud ki chhano mein baitha hai rat din

sab log dur shahr kamane chale gae

ham jaisa koi ishq mein majnun nahin bane

laila ko us ke ghar pe bulane chale gae

ham se to dushmani bhi na ho pai thik se

thokar lagi jo tujh ko uthane chale gae

majburiyon ne mujh ko badal kar ke rakh diya

tewar miri zaban se purane chale gae