اس سے پہلے کہ میرا ذہن سنبھالے مجھ کو

اس سے پہلے کہ میرا ذہن سنبھالے مجھ کو

یہ تری سادہ دلی مار نہ ڈالے مجھ کو

نیند کر دیتی ہے خوابوں کے حوالے مجھ کو

بند آنکھوں سے بھی دکھتے ہیں اجالے مجھ کو

منتظر ہوں وہ کسی طور مجھے یاد کرے

فیس بک میں ہی سہی ڈھونڈ نکالے مجھ کو

دیکھتا ہوں بڑی امید سے دنیا کی طرف

موسم ہجر سے کوئی تو بچا لے مجھ کو

ایک دن تجھ کو دکھاؤں گا میں دن میں تارے

تب تلک زندگی چاہے تو نچا لے مجھ کو

is se pahle ke mera zehn sambhale mujh ko

ye tiri sada dili mar na dale mujh ko

nind kar deti hai khwabon ke hawale mujh ko

band ankhon se bhi dikhte hain ujale mujh ko

muntazir hun wo kisi taur mujhe yad kare

fis bik mein hi sahi dhund nikale mujh ko

dekhta hun bari ummid se duniya ki taraf

mausam-e-hijr se koi to bacha le mujh ko

ek din tujh ko dikhaunga mein din mein tare

tab talak zindagi chahe to nacha le mujh ko