Arooz is now on the App Store, for iPhone and iPad. Download →

All poetry

رہ کر زمیں پہ چاند کے دیدار کے لئے

Om Awasthi (b. 1996)

رہ کر زمیں پہ چاند کے دیدار کے لئے

دفتر میں دن گزرتے ہیں اتوار کے لئے

اتنا تو مسئلہ بھی نہ تھا جتنا شور ہے

بس بھیڑ جٹ گئی ہے یہ بیکار کے لئے

بے وجہ کھینچ تان میں کشتی ڈبو گئے

جب کہ سبھی کو جانا تھا اس پار کے لئے

بس حال چال کا یہ دکھاوا نہ کیجیے

رب تک دعائیں بھیجئے بیمار کے لئے

آنکھوں کو رب نے اس لیے بینائی سونپ دی

جس سے ہو ایک آئینہ دیدار کے لئے

پھر یوں ہوا کہ ہم کو کبھی وقت نہیں ملا

جب سے گھڑی خرید لی دیوار کے لئے

قصے میں جنگ آئی تو قربان ہو گئے

پیادے لڑے تھے آخری کردار کے لئے