طویل رات کی گہرائیوں میں کچھ بھی نہیں

طویل رات کی گہرائیوں میں کچھ بھی نہیں

یقیں نہیں تو شناسائیوں میں کچھ بھی نہیں

تمہارا ہجر اگر درمیاں سے ہٹ جائے

گھٹن کو چھوڑ کے تنہائیوں میں کچھ بھی نہیں

اداسیاں ہیں پرندے ہیں پیڑ ہیں میں ہوں

وہ کہہ رہا تھا کے ویرانیوں میں کچھ بھی نہیں

نکھار طرز بیانی سے آئے گا ان میں

سخن فروش ترے قافیوں میں کچھ بھی نہیں

گلوں کا حسن ہے پھیکا بغیر خوشبو کے

بنا سکون کے شادابیوں میں کچھ بھی نہیں

tawil rat ki gahraiyon mein kuchh bhi nahin

yaqin nahin to shanasaiyon mein kuchh bhi nahin

tumhara hijr agar darmiyan se hat jae

ghutan ko chhor ke tanhaiyon mein kuchh bhi nahin

udasiyan hain parinde hain per hain main hun

wo kah raha tha ke wiraniyon mein kuchh bhi nahin

nikhar tarz bayani se aega un mein

sukhan farosh tire qafiyon mein kuchh bhi nahin

gulon ka husn hai phika baghair khushbu ke

bana sukun ke shadabiyon mein kuchh bhi nahin